Seedorf: Milani mendon larg

Mesfushori i Milanit Clarence Seedorf ka thënë se skuadra e Milanit ka shënuar fitore në takimin e të enjtes kundër Bragës dhe vetëm kjo duhet llogaritur, dhe pavarësisht kritikave për lojë të dobët, holandezi pohon se bashkëlojtarët e tij kanë bërë paraqitje të mirë.“Besoj se luajtëm mirë gjatë gjithë ndeshjes. Ata janë skuadër e vështirë për t’u mposhtur, dhe këtë e tregon numri i vogël i golave që kanë pranuar”.

“Ata kanë një kualitet të lartë, jo sikurse ne, mirëpo gjatë ndeshjes ata u paraqitën shumë mirë”.

“Në lojën moderne të gjithë dinë si të mbrohen mirë, për këtë arsye ne duhet të jemi të mençur dhe të vendosur për të shënuar. Goli mund të shënohet në fillim ose në fund të ndeshjes, kjo nuk ka rëndësi”.

“Trajneri është duke ua dhënë mundësinë të gjithë lojtarëve dhe provon pozita të ndryshme, pasi që Milani nuk shikon të tashmen por të ardhmen”, ka përfunduar Seedorf.